Dat mütt
int Johr negenteinhunderteenunföfftig west sin.
Door heff ick in Lauenburg inne Elfstraat bi Bäckermeister
Alwin Stallmann ass Gesell arbeid . In de Tied geev dat "Konsumbrood"
. Datt weer de belevsde Broodsort inne Gegend . De weer vun Vadder
Staat "subventioniert" üm dat Volk billich mit Lebensmiddel
to versorgen . Dor müssen wi pienlich öber bookführen
un kreegen denn Priesünnerscheed wedder vunn Staat trüchbetaalt
.
In Schleswich-Holsteen wör dat toon Bispill Swatbrood , in
Hamburg weer dat Mischbrood und in Niedersachsen ebenso .
Ann Mittwoch und ann
Sünnabend würr in Lauenburg Wochenmarkt . Denn weern ook
Broodkutscher uut Niedersachsen door. Dee verköffen Mischbrood
, watt`n poor Groschen billiger weer ass bi de Lauenburger Bäcker
. Dee harrn sick door stillswiegends mit affinnen mööten
. See hebbt datt öber fix inne Ladenkass markt an dee Marktdaag
.
Unn nu wöör
de niege Brüüch över de Elv bood unn dee Niedersachsen-Bäcker
, dee fröher mit dee Fäär över dee Elv kömen
unn dorför Tied bruukten unn ook noch Fährgeld betaalen
müssen , weeren nu billiger unn fröher upp`n Wochenmarkt
.
Datt hefft dee Lauenburger Bäcker denn ook bald markt inne
Kass . Denn wöör bi uns inn Laden nix los .
Uns Meisters wöörn
so böös , datt se an leevsten all de Broodkutscher ut
`n Süden vunn de Brüüch smieten wullen , wenn see
man kunnen .
Unn so kööm
dat , datt bi dee Kollegen föör de fine neege Brüüch
`n Namen uppkeem.
See seegen denn : "
Dee Konsumbrood- Brüüch "
